काठमाडौ । विभिन्न बैङ्क तथा स्थानिय र सर्वसाधरणको लगानीमा म्याग्दीमा २५ मेगावाटको दरवाङ्ग म्याग्दि जलविद्युत आयोजना निर्माण हुने भएको छ । म्याग्दि खोलामा निर्माण हुने आयोजनामा लगानीको लागि चार वाणिज्य बैंक र दुई विकास बैंकले फाल्गुण २ गते जलविद्युत उत्पादनको लागि वित्तिय व्यवस्थापन सम्झौता गरेका छन् ।
११ वर्षअगाडी स्थापना भएको धौलागिरी कालिका हाइड्रो कम्पनीले म्याग्दि खोलामा २५ मेगावाटको जलविद्युत परियोजना आगामि साढे तिन वर्षभित्र निर्माण सम्पन्न गर्ने लक्ष्य लिएकोे छ ।
आयोजनामा ३ अर्ब ५० करोडको ऋण लगानी गर्न सानिमा बैंक, प्रभू बैंक, कुमारी बैंक, सेन्चुरी बैंक, मुक्तिनाथ विकाश बैंक र महालक्ष्मी विकाश बैंक तयार भएका हुन ।
५ अर्ब १४ करोडको उक्त परियोजनामा बाँकी कम्पनी आफैले लगानी गर्ने र निर्माण अवधिमा नै लगानीको ३० प्रतिशत सेयर सर्वसाधारणलाई जारी गरिने कम्पनीले जनाएको छ ।
स्थानिय दरवाङ्ग क्षेत्रका साथै म्याग्दि जिल्ला हुदै समग्र राष्ट्र विकाशमा योगदान दिंदै समयमा परियोजना सम्पन्न गरि लगानिकर्ताहरुलाई उचित प्रतिफल दिने कम्पनीको लक्ष्य रहेको छ ।
२०७४ फागुन २ गते प्रकाशित
वि.सं.२०७४ फागुन २ बुधवार २१:१२ मा प्रकाशित
