काठमाडौ । एक सय चालिस रुपैयाँ प्रतिसेयर आम्दानी रहेको राष्ट्रिय बिमा कम्पनीले १२० प्रतिशत बोनस वितरण गर्ने प्रस्ताव गरेको छ । १३९ रुपैया ७० पैसा प्रतिसेयर आम्दानी र ८४३ रुपैया ११ पैसा नेटवर्थ रहेको कम्पनीले आर्थिक वर्ष २०६८/६९ को नाफाबाट उक्त बोनस घोषणा गरेको हो ।
कम्पनीले आर्थिक वर्ष २०६३/६४ देखी ६८/६९ सम्म गरि ६ वर्षको गरि एकै पटक १२० प्रतिशत बोनस बाड्न लागेको हो । प्रस्तावित लाभांस बीमा समितिले स्वीकृतगरे पश्चात वितरण गरिने जनाईएको छ । २०७१ साउनबाट जिवन बीमा बनेको कम्पनी त्यसअघि राष्ट्रिय बीमा संस्थानको निर्जिवन बीमा संस्थानको रुपमा रहेको थियो ।
२६ करोड ६६ लाख ३९ हजार रुपैयाँ चुक्ता पुँजी रहेको कम्पनीको बोनस पश्चात पुुँजी ५८ करोड ६५ लाख रुपैयाँ पुग्नेछ । कम्पनीले बक्यौता रहेको आथिक वर्षहरुको साभारण सभा सकेर बोनस र एफपिओ मार्फत २०७५ असार भित्र चुक्ता पुँजी एब अर्ब रुपैयाँ पुर्याउने लक्ष्य लिएको छ ।
कम्पनीमा नेपाल सरकार, नेपाल बैङ्क लिमिटेड र कर्मचारी सञ्चय कोषको गरि ८०.४६ प्रतिशत र सर्वसाधारणको १९.५४ प्रतिशत सेयर स्वामित्व रहेको छ । कम्पनीले चालु आर्थिक वर्षको ६ महिनामा ३७ करोड २५ लाख रुपैयाँ खुद नाफा गरेको छ ।
चुक्ता पुँजी २६ करोड ६६ लाख ३९ हजार रुपैयाँ पुगेको कम्पनीको बीमा कोषमा १ अर्ब २६ करोड र रिजर्भ कोषमा १ अर्ब ९८ करोड रुपैयाँ रहेको छ । अघिल्लो वर्ष २६ करोड १६ लाख रुपैयाँ खुद नाफा कमाएको कम्पनीले गत वर्षको तुलनामा यो वर्ष ४२.३७ प्रतिशत बढी नाफा गरेको छ ।
२०७४ फागुन ११ गते प्रकाशित
वि.सं.२०७४ फागुन ११ शुक्रवार २१:१२ मा प्रकाशित