काठमाडौ । नेपाल स्टक एक्सचेन्जमा सूचिकृत २७ वटा वाणिज्य बैङ्क मध्य २० वटा बैङ्कले मात्रै यो वर्ष लाभांश वितरण गर्ने भएका छन् । बाँकी ७ बैङ्कले लाभांश तथा साधारण सभा बारे निर्णय गरेका छैनन् ।
कानुनमा आर्थिक वर्ष सुरु भएको ६ महिना भित्र नेप्सेमा सूचीकृत कम्पनीहरुले लाभांश घोषणा गरिसक्नुपर्ने र साधारण सभका बोलाइसक्नु पर्ने व्यवस्था छ । तर आधा बढी कम्पनीहरुले न साधारण सभा डाकेका छन्, न लाभांश घोषणा ।
केही वाणिज्य बैङ्कहरुले दिएको बोनस तथा लाभांश लगानिकर्ताका डिम्याट खातामा जम्मा भएर दोस्रो बजारमा कारोबारमा आइसकेका छन् भने धेरै जसो बैङ्कहरुले साधारण सभाबाट लाभांश पारित गरिसकेका छन् ।
अहिलेसम्म बोनस तथा लाभांश घोषणा नगरी लगानीकर्तालाई अलमलमा पार्ने बैङ्कहरुमा बैंक अफ काठमाण्डू, सिभिल बैंक, कुमारी बैंक, नेपाल बैंक, एनसीसी बैंक, एनएमबि बैंक र प्रभु बैंक रहेका छन् ।
बोनस सेयर वितरण गर्नेमा शतप्रतिशत सहित सबैभन्दा अगाडी स्ट्यार्न्डड चार्टर्ड रहेको छ भने लाभांशमा २५ प्रतिशत सहित नेपाल इन्भेष्टमेन्ट बैङ्क रहेको छ । स्ट्यार्न्डड चार्टर्डले ५.२६ प्रतिशत नगद लाभांश वितरण गरेको छ भने इन्भेष्टमेन्ट बैङ्कले १५ प्रतिशत बोनस सेयर वितरण गरेको छ ।
सबै भन्दा कम बोनस वितरण गर्नेमा सेञ्चुरी बैङ्क र कम लाभांश दिनेमा लक्ष्मी बैङरहेको छ । गत वर्षको मुनाफाबाट सेञ्चुरीले ५ प्रतिशत बबोनस सेयर तोकेको छ भने लक्ष्मीले ०.५३ प्रतिशत नगद लाभांश बाँड्दा अधिकांश बैङ्कले १० देखी २० प्रतिशत बोनस सेयर घोषणा गरेका छन् ।
बाँकी बैङ्कहरुमा माछापुच्छ«े बैङ्कले ९ प्रतिशत बोनस सेयर सहित ६ प्रतिशत नगद लाभांश बाढ्ने भएको छ । त्यस्तै मेगाले ९.४५ प्रतिशत बोनस सेयर, ग्लोबल आइएमई बैङ्कले बोनस र लाभांश दुवै १० प्रतिशत, नेपाल बङ्गलादेश बैङ्कले १२ प्रतिशत बोनस सहित ३.७९ प्रतिशत नगद लाभांश तोकेको छ ।
यस्तै सिद्धार्थ बैङ्क र जनता बैङ्कले समान १४ प्रतिशत बोनस, सनराईज बैङ्कले १५ प्रतिशत बोनस, नेपाल एसबिआई बैङ्कले १५.४२ प्रतिशत बोनस र ०.८१ प्रतिशत नगद लाभांश, सानिमा बैङ्कले १६ प्रतिशत बोनस, सिटिजन्स बैङ्कले १६ प्रतिशत बोनस र १ प्रतिशत नगद लाभांश वितरण गर्न लागेका छन् ।
घोषणा गरेका बाँकीमा एनआइसी एसियाको २० प्रतिशत बोनस र १ प्रतिशत नगद लाभांश, कृषि विकासको २० प्रतिशत बोनस र १ प्रतिशत नगद लाभांश, हिमालयनको २५ प्रतिशत बोनस र १.३२ प्रतिशत नगद लाभांश, प्राइम कमर्सियलको २७ प्रतिशत बोनस, नबिल बैङ्कको ३० प्रतिशत कोनस र १८ प्रतिशत नगद लाभांश र एभरेष्ट बैङ्कको ३३ प्रतिशत बोनस र १.७४ प्रतिशत नगद लाभांश रहेको छ ।
बोनस तथा लाभांश घोषणा नगरेका मध्य नेपाल बैंक, एनसीसी बैंक र प्रभु बैंक सञ्चित जगेडा नोक्सानीमा रहेका कारण गत बर्षको कमाईबाट बोनस तथा लाभांश दिन नसक्ने अवस्थामा रहेका छन् । अन्य बैंकले लाभांश दिन सक्ने भएपनि घोषणा गरेका छैनन् । नेपाल बैंकले भने एफपिओ प्रस्ताव गरेर साधारण सभा बोलाएको छ ।
नियमनकारी निकायले निगरानी र कारबाही गर्न नसक्दा कम्पनीहरु तोकिएको समयमा लाभांश प्रस्ताव सहित साधारण सभा नगर्ने र कम उत्तरदायी बन्दै गएको लगानीकर्ताको गुनासो छ ।
२०७४ फागुन १४ गते प्रकाशित
वि.सं.२०७४ फागुन १४ सोमवार २१:०९ मा प्रकाशित