प्रभु समूहले प्रवद्र्धन गरेको निर्जीवन वीमा कम्पनी प्रभु इन्स्योरेन्सले आक्रामक रुपमा बजार विस्तार गर्दै आकर्षक प्रगति गर्न सफल भएको छ । यस कम्पनीले झण्डै दोब्बरले खुद नाफा बढाएको छ ।
प्रभु इन्स्योरेन्सले गत असार मसान्त सम्ममा २२ करोड १५ लाख रुपैयाँ खुद नाफा गरेको छ । जुन अघिल्लो आर्थिक वर्षमा १६ करोड ४७ लाख रुपैयाँ रहेको थियो । यस कम्पनीको प्रति शेयर आम्दानी ३२ कायम भएको छ भने मूल्य आम्दानी अनुपात ३५ रहेको छ । प्रति शेयर नेटवर्थ २१४ रुपैयाँ रहेको देखिन्छ ।
चुक्ता पूंजी ५७ करोडबाट बढाएर ६८ करोड पुर्याएको यस कम्पनीको वीमा कोष २० करोड रुपैयाँले बढेको छ । अघिल्लो वर्ष १४ करोड मात्रै रहेको वीमा कोष गत असार मसान्तसम्ममा ३४ करोड पुगेको छ । कम्पनीको जगेडा कोषमा २१ करोड रुपैयाँ रहेको छ ।
२०७५ साउन ३० गते प्रकाशित
वि.सं.२०७५ साउन ३० बुधवार ११:३९ मा प्रकाशित
