काठमाडौं । बैंक अफ काठमान्डूको १३.२५ प्रतिशत बोनस सेयर पाउन पहिला कर तिर्नुभर्ने भएको छ । बोनसमा लाग्ने कर तिरेपछि मात्र लगानीकर्ताको डिम्याट खातामा बोनस सेयर पठाइने बैंकले जानकारी गराएको छ । बैंकले २०७३ असार ३१ देखि २०७५ असार ७ गतेसम्म सेयर खरिद गरेकाहरुले बोनस पाउन कर तिर्नुपर्ने उल्लेख गरेको छ ।
शेयरधनीहरुले बैंक अफ काठमान्डूको खाता नम्बर ३६० ००० ३६० ०१२ मा बोनस सेयरको कर वापतको रकम जम्मा गर्न आग्रह गरेको हो । गत असार ७ गतेसम्म आफ्नो सेयर अभौतिकरण गराइसकेका सेयरधनीको भने डिम्याट खातामा बोनस सेयर जम्मा गरिसकिएको बैंकले जानकारी दिएको छ ।
असार ७ गते भन्दापछि डिम्याट गराएकाहरुको पनि बोनस सेयर खातामै जम्मा गरिदिने तयारी भइरहेको बैंकको भनाई छ ।
तर, हालसम्म पनि सेयर डिम्याट नगराउनेहरुलाई बैंकले छिटो गर्न आग्रह गरेको छ । आफूलाई पायक पर्ने निक्षेप सदस्य वा सेयर रजिष्ट्रार नबिल इन्भेष्टमेन्ट बैंकिङ लिमिटेड नक्साल काठमाडौंमा गएर गर्न डिम्याट गर्न सकिनेछ ।
साथै अहिलेसम्म पनिसेयरलाई डिम्याट नगराएका लगानीकर्तालाई भने कुनै पनि निक्षेप सदस्यकोमा गएर सेयर डिम्याट गराउन आग्रह गरेको छ कागजी सेयर प्रमाणपत्र डिम्याट भए पछि मात्र बैंकले बोनस सेयर खातामा जम्मा गरिदिनेछ । बैंकको २०७५ असार २८ गते सम्पन्न २३ औं साधारण सभाले १३.२५ प्रतिशत बोनश शेयर पारित गरेको थियो ।
२०७५ असोज १९ गते प्रकाशित
वि.सं.२०७५ असोज १९ शुक्रवार १५:४८ मा प्रकाशित
