काठमाडौं । नेपाल क्रेडिट एन्ड कमर्स बैंकले १५.८९ प्रतिशत बोनस सेयर दिने घोषणा गरेको छ । बैंकको आइतबार बिहान बसेको सञ्चालक समिति बैठकले हाल कायम चुक्ता पुँजीमा १५.८९ प्रतिशत बोनस दिने निर्णय गरेको हो । बैंकले बोनसमा लाग्ने कर तिर्न ०.८३ प्रतिशत नगद लाभांश पनि दिने भएको छ ।
प्रस्तावित लाभांश नेपाल राष्ट्र बैंकबाट स्वीकृत भै आए पश्चात बैंकको आगामी वार्षिक साधारण सभाबाट अनुमोदन गरेपश्चात शेयरधनीलाई वितरण हुनेछ। यसअनुसार बैंकले एक अर्ब ११ करोड ५२ लाख ५३ हजार ५२२ रुपैयाँ बोनस र कर प्रयोजनका लागि ५ करोड ८६ लाख ९७ हजार ५५४ रुपैयाँ नगद लाभांश वितरण गर्ने प्रस्ताव गरेको छ।
बैंकको हाल चुक्ता पुँजी ७ अर्ब १ करोड ८५ लाख ८७ हजार रुपैयाँ छ । प्रस्तावित बोनस वितरणपछि पुँजी ८ अर्ब १३ करोड ३८ लाख ४० हजार रुपैयाँ पुग्नेछ ।
२०७६ असार २२ गते प्रकाशित
वि.सं.२०७६ असार २२ आइतवार ११:४९ मा प्रकाशित