काठमाण्डौ । सामुदायिक लघुवित्त वित्तीय संस्था लिमिटेडले आर्थिक वर्ष २०७५/७६ मा अघिल्लो वर्षको तुलनामा खुद नाफामा ५६.९६ प्रतिशतले वृद्धि गर्न सफल भएको छ ।
चौथो त्रैमासको वित्तीय विवरण अनुसार संस्थाले आव. २०७५/७६ मा २ करोड ४४ लाख रुपैयाँ खुद नाफा आर्जन गरेको छ । अघिल्लो वर्षको सोही अवधिमा संस्थाले १ करोड ५५ लाख रुपैयाँ खुद नाफा आर्जन गरेको थियो । संस्थाले अघिल्लो वर्षको तुलनामा खुद नाफामा ८८ लाख ६९ हजार रुपैयाँ बढी कमाउन सफल भएको हो ।
समीक्षा अवधिमा संस्थाले खुद ब्याज आम्दानी ७ करोड ५३ लाख रुपैयाँ आर्जन गर्न सफल भएको छ । जुन अघिल्लो वर्ष ६ करोड ३२ लाख रुपैयाँमा सीमित थियो । यसले संस्थाको व्यवसाय विस्तारले गति लिएको देखाउँछ । संस्थाको सञ्चालन मुनाफा ३ करोड ८४ लाख रुपैयाँ पुगेको छ । जुन अघिल्लो वर्षको सोही अवधिमा २ करोड १० लाख रुपैयाँ रहेको थियो । समीक्षा अवधिमा संस्थाले सम्भावित नोक्सानीका लागि ५१ लाख ३७ हजार रुपैयाँ छुट्याएको छ । यो अघिल्लो वर्ष २२ लाख ३४ हजार रुपैयाँ थियो ।
यस अवधिमा संस्थाले ४४ करोड ७६ लाख रुपैयाँ सापटी लिई ९१ करोड २१ लाख रुपैयाँ ऋण प्रवाह गरेको छ । अघिल्लो वर्ष संस्थाले यही अवधिमा ३९ करोड ६० लाख रुपैयाँ सापटी लिई ७१ लाख ९० लाख रुपैयाँ ऋण प्रवाह गरेको थियो ।
समीक्षा अवधिमा संस्थाको चुक्ता पुँजी १० करोड रुपैयाँ रहेको छ । अघिल्लो वर्ष पनि संस्थाको चुक्ता पुँजी १० करोड रुपैयाँ नै थियो ।
अघिल्लो वर्ष ४ करोड ७८ लाख रुपैयाँको रहेको संस्थाको जगेडा कोषको आकार समीक्षा अवधिमा बढेर ५ करोड ५४ लाख रुपैयाँ पुगेको छ । संस्थाको प्रतिसेयर आम्दानी २४.४४ रुपैयाँ, मूल्य आम्दानी अनुपात २१.७७ गुणा र प्रतिसेयर नेटवर्थ १५५.४४ रुपैयाँ रहेको छ ।
२०७६ साउन २२ गते प्रकाशित
वि.सं.२०७६ साउन २२ बुधवार ०८:५६ मा प्रकाशित