काठमाडौं । एभरेष्ट इन्सुरेन्सको ५ लाख २९ हजार ७ सय ८० कित्ता सेयर लिलामीमा आउने भएको छ । कम्पनीले ३ लाख ८३ हजार २ सय ५ कित्ता सर्वसाधारण समूह र १ लाख ४६ हजार ५ सय ७५ हजार कित्ता संस्थापक गरी कुल ५ लाख २९ हजार ७ सय ८० कित्ता लिलामीमा ल्याउन लागेको हो ।
कम्पनीले गत जेठ १४ देखि असार १६ गतेसम्म कुल ८२ लाख १९ हजार ४ सय ७५ कित्ता हकप्रद सेयर खुला गरेको थियो । तर यसमध्ये ७६ लाख ८९ हजार ६ सय ९५ कित्ता सेयर मात्र बिक्री भएको थियो । त्यस बेला बिक्री नभएको सेयर अहिले लिलामीमा ल्याउन लागिएको हो ।
साउन २९ गतेदेखि बोलपत्र आवेदन खुला हुनेछ भने भदौ ८ गतेसम्म आवेदन दिन पाइनेछ । लगानीकर्ताले न्यूनतम १०० रुपैयाँलाई आधार मानेर बोलपत्र शिलबन्दी पेश गनुपर्ने हुन्छ ।
यसमा न्यूनतम १०० कित्ता र अधिकतम १० अंकले भाग जाने संख्यामा सबै कित्ताका लागि आवेदन दिन सकिने छ । बिक्री प्रबन्धक सिद्धार्थ क्यापिटल नक्साल, काठमाडौं तथा एभरेष्ट इन्सुरेन्सका मुख्य कार्यालय हात्तिसार, काठमाडौंबाट पनि लिलामी भर्न सकिनेछ ।
सिद्धार्थ बैंकको विराटनगर, बिर्तामोड, हेटौंडा, जनकपुर, विरगञ्ज, नारायणगढ, पोखरा, बाग्लुङ्ग, घोराही, बुटवल, सुर्खेत, नेपालगञ्ज, महेन्द्रनगर र धनगढी शाखाबाट बोलपत्र पेश गर्न सकिनेछ ।
लिलामी मार्फत सबै सेयर बिक्री भएपछि यसको चुक्ता पुँजी १ अर्ब ९ करोड ५९ लाख ३० हजार रुपैयाँ पुग्नेछ ।
२०७६ साउन २३ गते प्रकाशित
वि.सं.२०७६ साउन २३ बिहीवार १२:०८ मा प्रकाशित