काठमाडौं । आर्थिक वर्ष २०७५/०७६ मा सिभिल लघुवित्तले एक करोड ६३ लाख ८८ हजार रुपैयाँ खुद नाफा गरेको छ। अघिल्लो आर्थिक वर्षको तुलनामा लघुवित्तको खुद नाफा ४५.३१ प्रतिशत अर्थात ५१ लाख रुपैयाँले बढेको हो।
कम्पनीले एक वर्षमा ४ रुपैयाँ ४८ पैसाले इपिएस सुधार गरेको छ। अघिल्लो आवमा नगद लाभांश बाँडेर चुक्ता पूँजी ११ करोड ४१ लाख १४ हजारमा स्थिर राखेको यस लघुवित्तको प्रतिशेयर आम्दानी १४ रुपैयाँ ३६ पैसा पुगेको छ । यस्तै लघुवित्तको जगेडा कोषमा २ करोड १२ लाख रुपैयाँ सञ्चित छ। रकमको हिसाबले थोरै भएपनि अघिल्लो आवको तुलनामा कम्पनीले जगेडा कोषमा २७२ प्रतिशत अर्थात एक करोड ५५ लाखले वृद्धि गरेको हो । अघिल्लोआवमा जगेडाकोष जम्मा ५७ लाखको थियो।
प्रतिशेयर नेटवर्थ ११८ रुपैयाँ ६३ पैसा, निष्क्रिय कर्जा अनुपात १.३४ प्रतिशत र मूल्य आम्दानी अनुपात ३८.६५ गुणा रहेको यस लघुवित्तकोले असार मसान्तसम्ममा २७ करोड १० लाख निक्षेप संकलन गरेको छ ।
साथै बैंक तथा वित्तीय संस्थाहरुबाट ६१ करोड ४८ लाख सापटी लिएर एक अर्ब २ करोड १५ लाख रुपैयाँ बराबरको कर्जा प्रवाह गरेको छ। यस अवधिमा लघुवित्तले करिब ४० प्रतिशतले खुद ब्याज आम्दानी बढाएर ६ करोड ४६ लाख आर्जन गरेको छ ।
२०७६ साउन २४ गते प्रकाशित
वि.सं.२०७६ साउन २४ शुक्रवार ११:१५ मा प्रकाशित