२०७६ साउन ३० गते प्रकाशित
काठमाडौं । सिटिजन लाइफ इन्स्योरेन्स कम्पनीले गत आव २०७५/७६ को लेखा परीक्षण नभएको वित्तीय विवरण प्रकाशित गरेको छ ।
कम्पनीले गत आवमा १७ करोड ४ लाख रुपैयाँ खुद नाफा कमाएको छ । कम्पनीले अघिल्लो आव २०७४/७५ मा १० करोड २० लाख रुपैयाँ खुद नाफा कमाएको थियो । कम्पनीले गत आवको चौथो त्रैमाससम्म १ अर्ब १६ करोड ५१ लाख रुपैयाँ बीमा शुल्क आर्जन गरेको छ ।
कम्पनीले असार मसान्तसम्ममा१ अर्ब ३७ करोड ८० लाख रुपैयाँ कुल आय गर्दा रुपैयाँ ७८ करोड ४४ लाख खर्च गरेको छ ।
कम्पनीको चुक्तापूँजी १ अर्ब ७५ करोड रुपैयाँ रहेको छ । गत आवको चौथो त्रैमासमा कम्पनीले जगेडा कोषमा २५ करोड १० लाख रुपैयाँ जम्मा गरेको छ ।
कम्पनीको कुल दाबि भुक्तानी रकम अघिल्लो आवको तुलनामा ७१९ प्रतिशत बढेर ५ करोड ४ लाख रुपैयाँ पुगेको छ । समीक्षा अवधिसम्म कम्पनीको भुक्तानी हुन बाँकी रकम ७ लाख रुपैयाँ रहेको छ ।
वि.सं.२०७६ साउन ३० बिहीवार १६:३५ मा प्रकाशित
