काठमाडौं । दोलखा-तामाकोसी गाउँपालिकामा नदीजन्य वस्तुको निकासी गरेवापत लिइने कर संकलनमा घोटाला भएको विषयमा कार्यपालिका बैठकले छानबिन समिति गठन गरेको छ ।
गाउँपालिकाका उपाध्यक्ष उर्मिला खड्काको संयोजकत्वमा ५ सदस्यीय छानबिन समिति गठन भएको प्रमुख प्रशासकीय अधिकृत विज्ञान कोइरालाले जानकारी दिए ।
छानबिन समितिमा जिल्ला प्रशासन कार्यालय दोलखाका अधिकृतस्तरका प्रतिनिधि, जिल्ला समन्वय समितिका प्रतिनिधि, जिल्ला प्रहरी कार्यालयको प्रतिनिधि र गाउँपालिकाका इन्जिनियर सदस्य रहेका छन् । समितिलाई १५ दिनभित्र छानबिन गरी प्रतिवेदन दिन जिम्मेवारी तोकिएको उनले बताए ।
आर्थिक वर्ष २०७५/७६ को नदीजन्य निकासीवापत करमा २१ लाख रुपैयाँ घोटला भएको विषय सार्वजनिक भएपछि छानबिन गर्न लागेको कारोवार दैनिकमा समाचार छ ।
२०७६ साउन ३१ गते प्रकाशित
वि.सं.२०७६ साउन ३१ शुक्रवार ०८:०४ मा प्रकाशित
