काठमाडौँ । शिक्षकसेवा आयोगले गलत तरिकाले भरिएका अध्यापन अनुमतिपत्रको आवेदन फारम सच्याउनका लागि अवसर दिएको छ ।
आयोगले पहिलोपटक अनलाइन माध्यमबाट आवेदन फारम भर्न पाउने सुविधा प्रदान गरेको र सो क्रममा फारम भरिएकामध्ये करिब साढे दुई हजार आवेदन गलत रूपमा भरिएको पाइएपछि सच्याउनका लागि अवसर दिएको ह ।
फारम भदौ २१ गतेसम्म सच्याउन सकिने आयोगले जनाएको छ । गत असार मसान्तसम्म आवेदकहरूले आवेदन भरेका थिए ।
आयोगका सूचना अधिकारी दामोदर आचार्यले आवेदकहरूले साइबरबाट फाराम भरेको र त्यसरी भर्दा विवरण गल्ती गरेकाले उनीहरूलाई सच्याउने अवसर दिइएको बताउनुभयो ।
२०७६ भदौ ०८ गते प्रकाशित
वि.सं.२०७६ भदौ ८ आइतवार १०:२६ मा प्रकाशित
