काठमाडौं । सुर्योदय लघुवित्त वित्तीय संस्थाले गत आर्थिक वर्ष २०७५०७६ को कमाईबाट शेयरधनीहरुलाई आकर्षक लाभांश वितरण गर्ने प्रस्ताव गरेको छ ।
लघुवित्तको भदौ ७ गते शनिबार बसेको सञ्चालक समितिको १३१ औं बैठकले शेयरधनीहरुलाई चुक्ता पूँजीको ४४.४७७८% ले हुन आउने ४ करोड ८० लाख रुपैयाँ बराबरको बोनस शेयर र कर प्रयोजनको लागि २.३४०९%ले हुन आउने २५ लाख २६ हजार ३१५ रुपैयाँ नगद लाभांश गरि कूल ५ करोड ५ लाख २६ हजार ३१५ रुपैयाँ बराबरको ४६.८१८७४ % लाभांश वितरण गर्ने निर्णय गरेको हो ।
अघिल्लो आर्थिक वर्षको मुनाफाबाट लघुवित्तले ४२.७५ प्रतिशत बोनस शेयर र २.२५ प्रतिशत नगद गरि कूल ४५ प्रतिशत लाभांश वितरण गरेको थियो ।
लघुवित्तले गत आर्थिक वर्षको चौंथो त्रैमासमा लघुवित्तले तीन करोड ६१ लाख रुपैयाँ खुद नाफा कमाएर प्रतिशेयर आम्दानी ३३ रुपैयाँ ५१ पैसा कायम गरेको छ ।
हाल १० करोड ७९ लाख रुपैयाँ चुक्ता पूँजी रहेको लघुवित्तको लाभांश वितरण पश्चात चुक्ता पूँजी १५ करोड ५९ लाख १९ हजार रुपैयाँ पुग्नेछ ।
२०७६ भदौ ८ गते प्रकाशित
वि.सं.२०७६ भदौ ८ आइतवार १७:११ मा प्रकाशित
