धादिङ । धादिङमा २३ जनामा डेंगु संक्रमण भेटिएको छ । उच्च ज्वरो तथा टाउको दुखेर जिल्ला अस्पताल धादिङमा जचाँउन आएका विरामीमा डेंगु संक्रमण पाइएको हो ।
बिरामीको रगत परीक्षण गर्दा २३ जनामो डेंगु संक्रमण भेटिएको जिल्ला अस्पताल धादिङका मेडिकल सुपरिटेन्डेनट डाक्टर त्रिभुवन चन्द्र झाले जानकारी दिनुभयो ।
डेंगु संक्रमणले धादिङबासी त्रसित बनेका छन । आर्थिक वर्ष ०७४/७५ मा धादिङमा ५ जनामा डेंगु संक्रमण देखिएको थियो । यस वर्ष दुई महिनामै २३ जनामा डेंगु संक्रमण देखिएको झाले बताउनुभयो ।
डेंगु संक्रमण बढेपछि जनचेतनाका कार्यक्रम सुरु गरिएको स्वास्थ्य कार्यालय धादिङका प्रमुख वरिष्ठ जनस्वास्थ्य प्रशासक भुवन पौडेलले जानकारी दिनुभयो ।
जिल्लाको नीलकण्ठ नगरपालिका, धुनिबेँसी नगरपालिका, सिद्धलेक गाउँपालिका, ज्वालामुखी गाउँपालिका, खनियावास गाउँपालिकालगायतका ठाउँमा डेंगु संक्रमण देखिएको हो ।
ती ठाउँमा विभिन्न निकायले अहिले जनचेतनाका काम गरिरहेका छन।
२०७६ भदौ २९ गते प्रकाशित
वि.सं.२०७६ भदौ २९ आइतवार १३:०७ मा प्रकाशित