काठमाडौं । नेपाल एयरलाइन्सले जेष्ठ नागरिकलाई हवाई भाडामा ५० प्रतिशत छुट दिने भएको छ । पूर्ण सरकारी स्वामित्वको एयरलाइन्सले ७० वर्षमाथिका नागरिकलाई उक्त भाडा छुट दिने भएको हो।
यसअघि संस्कृति, पर्यटन तथा नागरिक उड्डयनमन्त्री योगेश भट्टराईले सबै एयरलाइन्सले छुट दिनुपर्ने भन्दै ‘लबिङ’ गर्नुभएको थियो ।
तर यसमा निजी एयरलाइन्सहरुले भने असहमति जनाएका छन । नेपाल एयरलाइन्सका सहायक प्रवक्ता सुलेख मिश्रका अनुसार ७० वर्ष पूरा भएको प्रमाणित हुने प्रमाणपत्रसहित आएमा टिकटमा ५० प्रतिशत छुट पाइने छ ।
नेपाल एयरलाइन्सले हाल दैनिक औसत १० उडान गरिरहेको छ ।
२०७६ असोज ०१ गते प्रकाशित
वि.सं.२०७६ असोज १ बुधवार १२:०१ मा प्रकाशित