काठमाडौं । प्रभु बैंकले जारी गर्न लागेको ऋणपत्रलाई नेपाल धितोपत्र बोर्डले अनुमति दिएको छ । बैंकले १० लाख कित्ता ऋणपत्र जारी गर्न असोज ७ गते अनुमति पाएको हो ।
बैंकले ऋणपत्र जारी गर्नको लागि बोर्डमा जेठ ६ गते निवेदन दिएको थियो । १० लाख कित्तामध्ये ४ लाख कित्ता सर्वसाधारणको लागि र ६ लाख कित्ता व्यक्तिगत संघ संस्थालाई छुट्याएको छ ।
बैंकले १० प्रतिशत ब्याजदरमा विसं २०८६ सम्मको लागि ऋणपत्र जारी गर्नको लागि निवेदन दिएको थियो । यस ऋणपत्रको विक्री प्रबन्धक सनराइज क्यापिटल लिमिटेड रहेको छ । ऋणपत्रलाई इक्रा नेपालले एलबिबिबि रेटिङ प्रदान गरेको छ ।
एलबिबिबि रेटिङले धितोपत्र उपकरणहरु समयमा वित्तीय दायित्व पूरा गर्ने सम्बन्धमा मध्यम मात्रामा सुरक्षित रहेको देखाउँछ ।
२०७६ असोज १६ गते प्रकाशित
वि.सं.२०७६ असोज १६ बिहीवार ०९:३६ मा प्रकाशित
