काठमाण्डौं । भारतले लगाएको नाकाबन्दी खुलेको डेढ महिना हुन लाग्दा पनि बजारमा खाना पकाउने ग्याँस सहज हुन नसकेपछि प्रहरी आफै सादा पोशाकमा बजार निगरानीमा हिंडेको छ ।
इन्डियन आयल कर्पोरेसन (आर्इओसी)बाट ८० प्रतिशतको हाराहारीमा ग्यास आपूर्ति भए पनि उपभोक्ताले पाउन सकेका छैनन्। यस अघि नै वाणिज्य, आपूर्ति तथा व्यवस्था विभाग र नेपाल प्रहरीको संयुक्त टोली अनुगमनमा क्रियाशील भएका छन् भने नेपाल प्रहरीले कालोबजारी नियन्त्रण गर्न काठमाडौं, ललितपुर र भक्तपुरका इन्धन डिपो तथा पम्पमा सादा पोसाकका जनशक्ति परिचालन गरेको छ।
महानगरीय प्रहरीले इन्धनमा मौलाएको कालोबजारी नियन्त्रण गर्न तीन्वटै जिल्लाका प्रहरी परिसरबाट सादा पोसाकका प्रहरी खटाएको छ।
१५ चैत २०७२, ८.००
वि.सं.२०७२ चैत १५ सोमवार ११:१९ मा प्रकाशित
