काठमाडौं । बसोबासकै लागि अमेरिका जान पाइने अवसरका रुपमा चिनिएको डाइभर्सिटी भिसा (डीभी) को आवेदन फर्म मानिसहरुको भींड लाग्न थालेको छ । डीभीकै लागि मानिसहरु १५ हजार तिर्दै राहदानी बनाउन थालेका हुन ।
डीभी भर्नकै लागि यतिबेला राहदानी बनाउने सेवाग्राही समेत ह्वात्तै बढेका छन । सधैंको भन्दा झन्डै पाँच गुणा बढीले राहदानी आवेदन भर्ने गरेको राहदानी विभागले जनाएको छ ।
गत असोज १५ मा डीभी आवेदन खुलेपछि राजधानी र बाहिरका जिल्ला सदरमुकामहरुमा राहदानी बनाउनेहरु बढेका हुन । कान्तिपुर दैनिकमा खबर प्रकाशित छ ।
यस अघि जिल्ला संकलन केन्द्रबाट आउनेसहित दैनिक बढीमा आठ सय एमआरपी आवेदन मात्रै रहने गरेकोमा पछिल्ला पटक झन्डै चार हजार जनाले आवेदन भरिरहेका छन ।
जसमा पनि एक तिहाई जतिले त १५ हजार रुपैयाँ शुल्क तिरेरै एकैदिनमा एमआरपी लिइरहेका छन ।
२०७६ कात्तिक ०५ गते प्रकाशित
वि.सं.२०७६ कात्तिक ५ मंगलवार ०७:४१ मा प्रकाशित
