काठमाडौं । नेपालका युवा क्रिकेट स्टार सन्दीप लामिछानेले काठमाडौंमा घर खरिद गरेका छन । बुढानिलकन्ठमा रहेको फराकिलो कम्पाउनन्डसहितको आकर्षक घर उनले केही दिन अगाडि खरिद गरेका हुन।
उनले ३ वर्षयता अन्तर्रा्ष्ट्रिय टि–२० लिगहरु खेल्न थालेयता छोटो समयमै करोडौं आर्जन गरिसकेका छन् सन्दिपले ।
स्याङजामा जन्मेका सन्दीपको स्थायी बसोबास चितवनमा थियो । काठमाडौंमा घर खरिद गरेपछि उनले बुवा आमालाई पनि यतै ल्याएर राखेका छन ।
सन्दीपले यो घरलाई ६ करोड रुपैयाँमा खरिद गरेको चर्चा सामाजिक सञ्जालमा चलेको छ । उनका म्यानेजर रमण सिवाकोटीले भने घरको मूल्य आफूलाई पनि थाहा नभएको बताए । घरभित्रको सजावट पनि निकै भव्य छ ।
२०७६ कात्तिक २० गते प्रकाशित
वि.सं.२०७६ कात्तिक २० बुधवार १३:१७ मा प्रकाशित