काठमाण्डौं । ङादी ग्रुप पावर लिमिटेडले आइतबारबाट सर्वसाधारणका लागि सेयर निष्काशन गरेको छ। कम्पनीले नौ लाख ७३ हजार सातसय ३७ कित्ता सेयर निष्काशन गरेको हो। कम्पनीको सेयर निष्काशन बन्द चैत २४ गते हुनेछ।
खुलाइएको सेयर मध्ये १९ हजार चारसय ७४ कित्ता सेयर कर्मचारीका लागि, ४८ हजार ६ सय ८६ कित्ता तथा सर्वसाधारणका लागि नौ लाख पाँचहजार पाँचसय ७७ कित्ता सेयर छुट्याइएको छ।
कम्पनीको सेयरमा आवेदन दिन नेपाल इन्भेष्टमेन्ट बैंकको काठमाडौं उपत्यका भित्र र बाहिरका शाखा कार्यालयमा सम्पर्क राख्नुपर्नेछ। यस्तै ङादी ग्रुपको कार्यालय अनामनगर, भिवोर क्यापिटल, ग्रोमर क्यापिटल, गुहेश्वरी मर्चेन्ट फाइनान्सका शाखामा सम्पर्क राख्नुपर्नेछ।
यस्तै एपेक्स डेभलपमेन्ट बैंक, सिनर्जी फाइनान्स, काठमाडौं फाइनान्स, साझा विकास बैंक र अरनिको डेभलपमेन्ट बैंकका शाखामा सम्पर्क राख्न सकिन्छ। यो सेयर बिक्री प्रबन्धक एनआइबिएल क्यापिटल रहेको छ।
२१ चैत, २०७२, १०.००
वि.सं.२०७२ चैत २१ आइतवार १०:५९ मा प्रकाशित
