काठमाडौं । पुँजी बजार मापक नेप्से दुई दिनदेखि निरन्तर उकालोको यात्रामा छ । हिजो १६.०९ अंकले बढेको नेप्से आज (सोमबार) १८.२६ अंकले उकालो लागेको छ ।
आज माइक्रोफाइनान्स समूहको सूचक सबैभन्दा बढी ३३.९८ अंकले बढ्न पुग्यो। साथै, बैंकिङ समूहको सूचक पनि २५.८६ अंकले उकालो लाग्यो । यसैगरी, जीवन बिमा कम्पनी समूहको सूचक पनि १२.१३ अंकले बढ्न पुग्यो। नेप्से बढेर १२००.६९अंकमा पुगेको छ ।
उक्त दिन कुल १२ समूह मध्ये ११ समूहको सूचक बढेको छ भने एक समूहको सूचक घट्न पुग्यो। उक्त दिन ट्रेडिङ कम्पनी समूहको सूचक भने १२.२० अंकले घट्न पुगेको छ।
उक्त दिन अघिल्लो दिन भन्दा बढी रकमको कारोबार भएको छ । आइतबार ७१ करोड २४ लाख २५ हजार रकम बराबरको सेयर कारोबार भएकोमा आज ८४ करोड २५ लाख ८२ हजार रुपैयाँ बराबरको सेयर कारोबार भएको हुन पुग्यो ।
उक्त दिन एनआइसी एसिया बैंकको सेयर सबैभन्दा बढी ८ करोड ४६ लाख रुपैयाँ बराबरको सेयर कारोबार भएको छ। दोस्रो बढी रकमको कारोबार नेको इन्स्योरेन्सको सेयर भएको छ ।
उक्त इन्स्योरेन्सको ३ करोड ७० लाख रुपैयाँ बराबरको सेयर कारोबार भएको छ। तेस्रो बढी कारोबार हुनेमा शिवम् सिमेन्टको सेयर रहेको छ। उक्त सिमेन्टको ३ करोड ६६ लाख रुपैयाँ बराबरको सेयर कारोबार भएको छ ।
२०७६ पुस २१ गते प्रकाशित
वि.सं.२०७६ पुस २१ सोमवार १५:१९ मा प्रकाशित
