काठमाडौं । प्राइम कमर्सियल बैंकको शनिबार सम्पन्न १२औँ वार्षिक साधारणसभाले कैलाश विकास बैंकलाई गाभ्नेलगायत विभिन्न प्रस्ताव पारित गरेको छ ।
सभाले सेयरधनीलाई १६ प्रतिशत बोनस सेयर वितरण गर्ने तथा कैलाश विकास बैंक लिमिटेडलाई प्राप्ति गर्ने विशेष प्रस्ताव पारित गरेको हो ।
सभाले कैलाश विकासको १०० कित्ता सेयरबराबर प्राइम कमर्सियल बैंकको ९४ (१००ः९४) कित्ता सेयर दिने गरी स्वाप रेसियोसमेत पारित गरेको छ ।
कैलाश विकास बैंक प्राप्तिपश्चात् प्राइम कमर्सियल बैंकको शाखा संख्या १९९ पुग्ने सभामा जानकारी गराइएको छ ।
२०७६ पुस २७ गते प्रकाशित
वि.सं.२०७६ पुस २७ आइतवार १०:१५ मा प्रकाशित