काठमाडौं । साताको अन्तिम कारोबारको दिन बिहीवार नेप्से कारोबार भएको पहिलो घण्टामा १३ दशमलव शून्य १ अंकले बढेर १ हजार २९७ दशमलव २४ विन्दुमा पुगेको छ ।
१ हजार २८४ दशमलव २९ विन्दुबाट शुरु भएको परिसूचक कारोबारकोे यस अवधिमा १ दशमलव शून्य १ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये सबै समूहको परिसूचक बढ्दा समग्र नेप्से बढेको हो । पहिलो घण्टाको कारोबारमा १६१ ओटा कम्पनीको रू. २६ करोड ४६ लाख बराबरको शेयर कारोबार भएको छ ।
यस अवधिमा एनआईसी एशिया बैंकको सर्वाधिक कारोबार भएको छ । उक्त बैंकको रू. २ करोड ८३ लाख बराबरको शेयर कारोबार भएको छ । सो समयमा बैंकको शेयर मूल्य रू. ४८१ मा कारोबार भइरहेको छ ।
कारोबार रकमकै आधारमा दोस्रोमा प्रभु बैंकको रू. १ करोड ३० लाख बराबरको शेयर कारोबार भएको छ । सो समयमा बैंकको शेयर मूल्य रू. २५० रहेको छ ।
२०७६ माघ ०२ गते प्रकाशित
वि.सं.२०७६ माघ २ बिहीवार १२:१६ मा प्रकाशित
