काठमाडौं । साताको तेश्रो दिन मंगलवार नेप्से कारोबार भएको पहिलो घण्टामा २ दशमलव ८८ अंकले घटेर १ हजार ३१४ दशमलव ९९ विन्दुमा पुगेको छ ।
१ हजार ३१८ दशमलव ६६ विन्दुबाट शुरु भएको परिसूचक कारोबारकोे यस अवधिमा शून्य दशमलव शून्य २२ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये होटल तथा म्युचुअल फण्ड बाहेक अन्यको परिसूचक बढेको छ ।
पहिलो घण्टाको कारोबारमा १५७ ओटा कम्पनीको रू.५३ करोड ५२ लाख बराबरको शेयर कारोबार भएको छ । यस अवधिमा हिमालयन बैंको संस्थापक शेयरको सर्वाधिक कारोबार भएको छ ।
उक्त कम्पनीको रू.२४ करोड ४६ लाख बराबरको शेयर कारोबार भएको छ । सो समयमा कम्पनीको शेयर मूल्य रू. २९० मा कारोबार भइरहेको छ ।
यस्तै मंगलवार पनि ग्लोबल आईएमई बैंकको शेयरमा खरीदकर्ताहरुको चाप कायमै छ । मंगलवार बजार खुलेको एकघण्टाको अवधिमा बैंकको शेयरमूल्य ९ दशमलव ७५ प्रतिशत रू.३०४मा कारोबार भइरहेको छ ।
२०७६ माघ ०७ गते प्रकाशित
वि.सं.२०७६ माघ ७ मंगलवार १२:११ मा प्रकाशित
