काठमाडौं । सेयर बजार सामान्य वृद्धि भएको छ । मंगलबार बजार ५.५२ अंकले बढेर नेप्से परिसूचक १ हजार ३०६ अंकमा पुगेको छ ।
बजार सामान्य अंकले बढे पनि १ अर्ब ४० करोड रुपैयाँ बराबरको ३७ लाख ३९ हजार ३९७ कित्ता सेयर किनबेच भएको छ । ग्लोबल आईएमई बैंकको सबैभन्दा बढी सेयर किनबेच भएको छ । ग्लोबलको प्रतिकित्ता २९० रुपैयाँमा ९ करोड ९५ लाख रुपैयाँको सेयर कारोबार भएको छ । पछिल्लो समयमा ग्लोबलको बढी सेयर कारोबार हुन थालेको छ ।
यस्तै नेपाल लाइफ इन्स्योरेन्स कम्पनी लिमिटेडको १ हजार १३७ रुपैयाँमा ६ करोड ९९ लाख र नेको इन्स्योरेन्स कम्पनी लिमिटेडको ४९० रुपैयाँमा ४ करोड ६१ लाख रुपैयाँको सेयर किनबेच भएको छ ।
बैंकिङ, व्यापार, होटल र जलविद्युत समूहको सेयर मूल्य घटेको छ । बीमा, विकास बैंक, लुघवित्त र उत्पादनमुलक परिसूचकको बढेको छ । शिखर इन्स्योरेन्स कम्पनी लिमिटेड, नाडेप लघुवित्त वित्तीय संस्था र नागरिक लगानी कोषका लगानीकर्ताले कमाएका छन ।
२०७६ माघ १४ गते प्रकाशित
वि.सं.२०७६ माघ १४ मंगलवार १५:१९ मा प्रकाशित
