काठमाडौं । नेपाल बंगलादेश बैंकलाई नेपाल राष्ट्र बैंकले कारबाही गरेको छ । कृषि क्षेत्रमा तोकिएको लगानी गर्न नसकेको भन्दै राष्ट्र बैंकले बंगलादेश बैंकलाई ४ करोड रुपैयाँ जरिवाना गरेको हो ।
राष्ट्र बैंकले प्राथमिकता प्राप्त क्षेत्रमा कूल कर्जाको २५ प्रतिशत अनिवार्य लगानी गर्नुपर्ने व्यवस्था गरेको छ । जसमध्ये १० प्रतिशत कर्जा लगानी कृषि क्षेत्रमा नै हुनुपर्छ ।
तर गत आर्थिक वर्षमा एनबी बैंकले ९ प्रतिशत पनि पुर्याउन नसकेको राष्ट्र बैंकले जनाएको छ । कुनै बैंकले तोकिएको क्षेत्रमा कर्जा लगानी नगरे लगानी नभएको कर्जाको ब्याज बराबर जरिवाना राष्ट्र बैंकले गर्ने गरेको छ ।
वि.सं.२०७६ माघ २० सोमवार ११:४९ मा प्रकाशित