काठमाडौं । भूकम्पीय आवास पुनर्निर्माणका लागि विश्व बैंकले थप २२ अर्ब ८२ करोड सहयोग गर्ने भएको छ । विश्व बैंकले ८६ हजार घर पुनर्निर्माणका लागि २० करोड डलर थप ऋण सहयोग गर्न लागेको हो ।
यससम्बन्धी सम्झौतापत्रमा बिहीबार अर्थ मन्त्रालयका सहसचिव श्रीकृष्ण नेपाल र विश्व बैंकका नेपाल निर्देशक फारिस एच हडाड्जेर्भेसले हस्ताक्षर गर्नुभयो ।
विश्व बैंकले दिएको यो रकम भूकम्पबाट प्रभावित ३२ जिल्लामा थप ८६ हजार आवास पुननिर्माणका लागि खर्च गरिने अर्थ मन्त्रालयले जनाएको छ ।
नेपाल सरकारले विश्व बैंकले यसअघि दिएको २२ अर्ब ८२ करोड रुपैयाँ आवास पुनर्निर्माणमा खर्च गरिरहेको जनाएको छ।
वि.सं.२०७६ माघ २३ बिहीवार १२:१३ मा प्रकाशित
