काठमाडौं । नेपाल क्रेडिट एन्ड कमर्श (एनसीसी) बैंकले नाफा बढाएको छ । चालु आर्थिक वर्षको दोस्रो त्रैमाशमा बैंकले ७५ करोड ६३ लाख रुपैयाँ खुदनाफा गरेको छ ।
गत वर्षको सोह अवधिमा एनसीसीले ७९ करोड ९८ लाख रुपैयाँ नाफा गरेको थियो । ६ महिनामा गरेको नाफाबाट बैंकले सेयरधनीलाई ५२ करोड ५२ लाख रुपैयाँ लाभांश वितरण गर्न सक्ने छ ।
बैंकको निष्क्रिय कर्जा घटेर २.८२ प्रतिशतमा झरेको छ । अघिल्लो वर्षको सोही अवधिमा ३.५३ प्रतिशत थियो । समीक्षा अवधिमा बैंकले ३ करोड ९० लाख रुपैयाँ पुरानो कर्जा असुली गरेको छ ।
बैंकको निक्षेप लागत ७.५०, सीसीडी ७६.५०, आधारदर १०.५८ र स्प्रेडदर ४.१९ प्रतिशत छ । बैंकको सञ्चित कोषमा २ अर्ब ५८ करोड २२ लाख रुपैयाँ छ ।
वि.सं.२०७६ माघ २६ आइतवार ०९:४५ मा प्रकाशित