काठमाडौं । प्राइम कमर्सियल बैंकले ३ अर्ब ५० करोड रुपैयाँबराबरको ऋणपत्र निष्कासनका लागि आरबीबी मर्चेन्ट बैंकिङलाई निष्कासन तथा बिक्री प्रबन्धक नियुक्त गरेको छ ।
बैंकले १०.५ प्रतिशत ब्याजदरको ८ वर्षको समयवधिमा फिर्ता भुक्तानी गर्ने गरी १ हजार रुपैयाँ अंकित दरको ३५ लाख कित्ताबराबरको ऋणपत्र निष्कासन गर्न लागेको हो ।
जसमा एक्काइस लाख कित्ता व्यक्तिगत तवरबाट र बाँकी कित्ता सर्वसाधारणमा बिक्री गरिने कम्पनीले जनाएको छ । उक्त ऋणपत्र निष्कासनका लागि निष्कासन तथा बिक्री प्रबन्धकसम्बन्धी सम्झौता–पत्रमा हस्ताक्षर भयो ।
उक्त सम्झौतपत्रमा प्राइम कमर्सियल बैंकको तर्फबाट प्रमुख कार्यकारी अधिकृत नारायण दास मानन्धर रआरबीबी मर्चेन्ट बैंकिङ लिमिटेडको तर्फबाट प्रमुख कार्यकारी अधिकृत बद्रीप्रसाद प्याकुरेलले हस्ताक्षर गरेका थिए ।
वि.सं.२०७६ माघ २७ सोमवार १२:३१ मा प्रकाशित