बेनी । निर्माणाधीन बेनी जोमसोम सडक खण्डमा काम गरिरहेको एक्जाभेटर कालिगण्डकी नदीमा खस्दा चालकको मृत्यु भएको छ। मुस्ताङको थासाङ गाउँपालिका ४ घाँसास्थित डाँडोमा भीर काट्दै गर्दा सुख्खा पहिरो खसेर स्काभेटर कालिगण्डकीमा पुगेको हो ।
दुर्घटनामा स्काभेटरका चालक सिन्धुपाल्चोकका ५० वर्षीय अर्जुन दाहालको मृत्यु भएको मुस्ताङ प्रहरीले जनाएको छ । पहिरोका कारण नजिकै रहेको बसमा पनि क्षति पुगेको छ। ना६ख ४०८१ नम्बरको बसमा सवार १ यात्रु घाइते भएका छन्।
वि.सं.२०७६ फागुन २० मंगलवार ०६:४४ मा प्रकाशित
