काठमाडौं । एक्सेल डेमलपमेण्ट बैंकको प्रस्तावित लाभांशलाई राष्ट्र बैंकले स्वीकृत प्रदान गरेको छ । कम्पनीले १७ दशमलव १० प्रतिशत बोनस शेयर र कर प्रयोजनका लागि शून्य दशमलव ९० प्रतिशत नगद लाभांश प्रस्ताव सहितको गत आर्थिक वर्षको वित्तीय विवरण राष्ट्र बैंकबाट स्वीकृत गराएको हो ।
राष्ट्र बैंकले फागुन २२ गते पत्राचारमार्फत वित्तीय विवरण सहित लाभांश स्वीकृत भएको जानकारी कम्पनीलाई गराएको थियो । कम्पनीको माघ १८ गते बसेको सञ्चालक समितिको बैठकले हाल कायम रू. ६९ करोड २६ लाख ७३ हजार चुक्तापूँजीको आधारमा उक्त लाभांश वितरण गर्ने निर्णय गरेको थियो ।
वि.सं.२०७६ फागुन २२ बिहीवार १४:३५ मा प्रकाशित
