काठमाडौं । नेपाल स्टक एक्सचेञ्च (नेप्से) मा तीन कम्पनीको शेयर मूल्य समायोजन भएको छ । नेप्सेले दुई कम्पनीको बोनस शेयरको मूल्य समायोजन गरेको छ । सेञ्चुरी कमर्सियल बैंक लिमिटेड र वोमी लघुवित्त वित्तीय संस्थाको बोनस शेयरमा मूल्य समायोजन भएको हो ।
नेप्सेले सेञ्चुरी बैंकको २ प्रतिशत बोनस शेयरपछिको मूल्य रू. १७७ दशमलव ४५ तोकेको छ । त्यस्तै, वोमी लघुवित्तको २५ प्रतिशत बोनस पछिको मूल्य रू. ८५५ तोकेको छ ।
यस्तै अपि पावर कम्पनीको ५ प्रतिशत बोनस शेयरको ११४ रुपैयाँ ५० पैसा र हकप्रद शेयरको मूल्य समायोजन गरेको हो । समायोजनपछि हकप्रद शेयर ४६ दशमलव ७६५ तोकेको छ ।
वि.सं.२०७६ चैत १ शनिवार १३:१८ मा प्रकाशित
