काठमाडौं । प्रभु बैंक र काठमाण्डौ महानगरपालिकाबिच जमल तथा रत्नपार्क–बागबजारस्थित आकाशे पुलमुनिको ट्राफिक आइल्याण्ड र तिनधारा संस्कृत पाठाशाला अगाडीको ट्राफिक आइल्याण्डमा हरियाली बगैचा र फाउन्टेन निर्माण, मर्मत संहार गर्ने तथा शहरी सौन्र्दयीकरण कामका लागि सम्झौतापत्रमा हस्ताक्षर भएको छ ।
काठमाण्डौ महानगरपालिकाका मेयर बिद्या सुन्दर शाक्यको उपस्थितीमा बैंककातर्फबाट प्रमुख कार्यकारी अधिकृत अशोक शेरचन तथा काठमाण्डौ महानगरपालिकाकातर्फबाट सहसचिब राजेश्वर ज्ञवालीले उक्त सम्झौतापत्रमा हस्ताक्षर गरेका छन् ।
बैंकले २०८ शाखा, ४६ एक्सटेन्सन काउन्टर, १७ शाखा रहित बैंकिङ्ग सेवा तथा १५८ एटियमबाट बैंकिङ सेवा दिदै आएको जनाएको छ ।
वि.सं.२०७६ चैत ५ बुधवार २०:४८ मा प्रकाशित
