ढाका । बंगलादेश सरकारले कोरोना भाइरस संक्रमित संख्या बढेको भन्दै देशव्यापी लकडाउनलाई आगामी वैशाख २३ गतेसम्म लम्ब्याएको छ ।
बंगलादेशका सामान्य प्रशासन राज्यमन्त्री फरहाद होसेनले कोरोना भाइरसको विस्तार रोक्न लक डाउन एकमात्र उपयुक्त विधि देखिएको भन्दै बिहीबार नै यससम्बन्धी सूचना राजपत्रमा प्रकाशन गरिने बताए ।
त्यहाँ झन्डै १ महिनादेखि लकडाउन छ । करिब १७ करोड जनसंख्या रहेको बंगलादेशमा बुधबारसम्ममा कोरोना भाइरसका कारण १२० जनाको मृत्यु भएको छ भने ३७ सय ७२ जना संक्रमित भइसकेका छन् । रासस–एएनआई
वि.सं.२०७७ वैशाख ११ बिहीवार १४:२० मा प्रकाशित
