काठमाडौँ । छिमेकी मुलुक भारतमा कोरोनाको संक्रमण बढीरहेको देखिएको छ । भारतीय स्वास्थ्य मन्त्रालयले दिएको पछिल्लो अपडेट अनुसार २४ घण्टामा १९ सय ९३ संक्रमित पुष्टि भएको छ ।
योसँगै भारतमा कुल कोरोना संक्रमितको संख्या ३५ हजार ५० पुगेको छ । त्यस्तै २४ घण्टामा भारतमा ७३ जनाको मृत्यु भएको छ । योसँगै भारतमा कोरोनाबाट मृत्यु हुनेको संख्या कुल एक हजार १४७ पुगेको छ ।
त्यस्तै भारतमा अहिलेसम्म ८ हजार ८८९ जना ठिक भएका छन् । त्यसैगरी विश्वभर कोरोना संक्रमितको संख्या ३३ लाख ८ हजार २३३ पुगेको छ भने मृतकको संख्या २ लाख ३४ हजार १०५ पुगेको छ । विश्वभर १० लाख ४२ हजार ८२६ कोरोना संक्रमित ठिक भएका छन् ।
वि.सं.२०७७ वैशाख १९ शुक्रवार ०९:३६ मा प्रकाशित