काठमाडौं । जिल्ला प्रशासन कार्यालय कैलालीले लकडाउनको अवधिमा दिँदै आएको ई–पास समेत बन्द गर्ने निर्णय गरेको छ । वैशाख ३ गतेदेखि जिल्लावासीले माग गरेको निवेदनका आधारमा प्रशासनले ई–पास उपलब्ध गराउँदै आएको थियो ।
तर धेरै पास गएको र सर्वसाधारणले अतिआवश्यक काम नहुँदा नहुँदै पास माग गर्नथालेपछि आजदेखि ई–पास नदिने निर्णय गरेको हो ।अत्यावश्यकीय प्रयोजनमा प्रशासनले सवारी साधन चलाउन ई–पास दिँदै आएको थियो ।
जिल्ला प्रशासन कार्यालय कैलालीका प्रशासकीय अधिकृत यादव भण्डारीले ई–पास दिनैपर्ने भएमा जानुपर्ने जिल्लाका प्रमुख जिल्ला अधिकारीको समन्वयमा मात्र दिइने बताएका छन्।
वि.सं.२०७७ वैशाख २२ सोमवार १९:३९ मा प्रकाशित