काठमाडौँ । बर्दिमा टिकटक बनाउने एक शसस्त्र प्रहरी जवानलाई जागिरबाट निकालिएको छ । बर्दीमा हतियार बोकेर टिकटक बनाएका सशस्त्र प्रहरी जवान बलबहादुर परियारको सोमवार नियुक्ति बदर गरिएको हो ।
एपीएफका अनुसार उनले बर्दी लगाएर मान्छे मार्छु भन्दै टिकटिकमा भिडियो बनाएका थिए । उनको उक्त टिकटक भिडियो भाइरल बनेको थियो ।
बर्दीमा हतियारसहित टिकटक बनाएको भिडियोका कारण उनको नियुक्ती बदर गरिएको जनाइएको छ । उनी चैतको दोस्रो साता तालिम सकेर फिल्डमा खटिएका थिए।
वि.सं.२०७७ वैशाख २३ मंगलवार १०:५३ मा प्रकाशित
