काठमाडौं । नेपालमा थप १३ जनामा कोरोना संक्रमणको पुष्टि भएको छ । स्वास्थ्य मन्त्रालयले सोमबार साँझ थप १३ जनामा कोरोना भाइरस संक्रमण पुष्टि गरेको हो ।
स्वास्थ्य मन्त्रालयका सहायक प्रवक्ता समीर कुमार अधिकारीले विज्ञप्ति जारी गर्दै थप १३ जनामा संक्रमण पुष्टि भएको जानकारी दिनुभयो ।
संक्रमितमध्ये पाल्पाका २, नवलपरासी (पश्चिम) का १, गुल्मीका १, कपिलवस्तुका ७ र रुपन्देहीका २ जनामा कारोना संक्रमण पुष्टि भएको हो । योसँगै नेपालमा कोरोना संक्रमण पुष्टि हुनेको संख्या १८११ पुगेको छ ।
यसअघि आजैको नियमित प्रेस ब्रिफिङमा पनि स्वास्थ्य मन्त्रालयका प्रवक्ता विकास देवकोटाले २ सय २६ जना नयाँ कोरोना संक्रमित भेटिएको जानकारी गराउनुभएको थियो । यसँगै एकैदिन २३९ जनामा कोरोना संक्रमण पुष्टि भएको छ ।
वि.सं.२०७७ जेठ १९ सोमवार १८:३७ मा प्रकाशित
