काठमाडौं । विन्ध्यबासिनी हाइड्रोपावर डेभलपमेण्ट कम्पनी र माउण्टेन इर्नजी नेपालले निष्कासन गर्न लागेको आईपीओलाई केयर रेटिङ नेपालले ग्रेड ४ रेटिङ प्रदान गरेको छ ।
विन्ध्यबासिनी हाइड्रोपावरले २५ लाख कित्ता र माउण्टेन इर्नजी नेपालले ३९ लाख ३६ हजार ५४ कित्ता आईपीओ निष्कासन गर्न रेटिङ गराएका हुन् । ग्रेड ४ रेटिङले कम्पनीको आधारभुत पक्ष औषतभन्दा तल रहेको देखाउँछ ।
विन्ध्यबासिनी हाइड्रोपावर डेभलपमेण्ट कम्पनीले आईपीओ निष्कासन गर्नको लागि नियामक निकाय नेपाल धितोपत्र बोर्डमा गत माघ १ निवेदन दिएको थियो । विक्री प्रबन्धकमा सानिमा क्यापिटल लिमिटेड रहेको छ ।
त्यस्तै माउण्टेन इर्नजी नेपालले आईपीओ निष्कासनको लागि गत फागुन २६ गते निवेदन दिएको थियो । विक्री प्रबन्धकमा नबिल इन्भेष्टमेण्ट बैकिङ् लिमिटेड रहेको छ ।
धितोपत्र बोर्डबाट स्वीकृती पाएपछि ती दुई कम्पनीले स्थानीय र सर्वसाधारणको लागि आईपिओ निष्कासन गर्नेछन् ।
वि.सं.२०७७ जेठ २७ मंगलवार १४:२२ मा प्रकाशित