काठमाडौं । नेपाल एग्रो लघुवित्त वित्तीय संस्थाको बोनस शेयर नेपाल स्टक एक्सचेञ्ज (नेप्से) मा सूचीकृत भएको छ ।
कम्पनीले गत पुस १२ गते चौंथौं वार्षिक साधारण सभाबाट पारित गरेको १५ प्रतिशत बोनस शेयर वापतको ७४ हजार ६६६ दशमलव ७० कित्ता शेयर जेठ ३२ गते नेप्सेमा सूचीकृत गराएको हो । सूचीकृत भएपनि हितग्राही खातामा शेयर जम्मा भएपछि मात्र कारोबार गर्न सकिनेछ ।
विसं २०७६ साल वैशाख १७ गते सर्वसाधारणलाई आईपीओ विक्री गरेको उक्त कम्पनी सोहि वर्षको जेठ ५ गते नेप्सेमा सूचीकृत भएको हो । कम्पनीले आईपीओ खरीद गरेको पहिलो वर्षनै शेयरधनीहरुलाई बोनस शेयर वितरण गरेको हो ।
बोनस पश्चात कम्पनीको चुक्तापूँजी रू. ५ करोड ७२ लाख ४४ हजार रहेको छ । जगेडाकोष रकम गत वर्षभन्दा ४३ प्रतिशत बढी अर्थात् रू. १ करोड ६१ लाख ९५ हजार कायम भएको छ ।
वि.सं.२०७७ असार १ सोमवार ११:३१ मा प्रकाशित