काठमाडौं । नेपाल स्टक एक्सचेञ्ज (नेप्से)ले स्वावलम्म्बन लघुवित्त वित्तीय संस्थाको शेयर कारोबार फुकुवा गरेको छ । नेप्सेले कम्पनी रजिष्ट्रारको कार्यालयले असार ५ गते गरेको पत्रको आधारमा उक्त कम्पनीको रोकिएको शेयर कारोबार फुकुवा गरेको हो ।
कम्पनीको २६ प्रतिशत बोनस शेयरमा वितरणमा अन्योल भएको भन्दै नेप्सेले कम्पनी रजिष्ट्रार कार्यालयकै पत्रको आधारमा गत फागुन २० गतेदेखि शेयर कारोबार रोक्का गरेको थियो ।
कम्पनी रजिष्ट्रारको कार्यालयले उक्त कम्पनीलाई २६ प्रतिशत बोनस पश्चात चुक्तापूँजी रू. ७९ करोड २३ लाख ९९ हजार कायम गर्न स्वीकृति दिएकोमा भुल भएको भन्दै त्यस निर्णयलाई कार्यान्वयन नगराउन नेप्सेलाई पत्र पठाएको थियो ।
गत असार ५ गतेको पत्रमा कम्पनी रजिष्ट्रारको कार्यालयबाट कारोबार फुकुवाको लागि भनिएकाले नेप्सेले फुकुवा गर्ने निर्णय गरेको हो । कम्पनीले भने २६ प्रतिशत बोनस शेयर र कर प्रयोजनका लागि १४ प्रतिशत नगद लाभांश समेत गत पुस २० गते १८ औं वार्षिक साधारण सभामार्फत पारित गरीसकेको छ ।
पारित नगद लाभांश वितरण गरिसकेको उक्त कम्पनीले बोनस शेयर सूचीकरणका लागि काम भइरहेको बताएको छ ।
वि.सं.२०७७ असार ११ बिहीवार १२:३२ मा प्रकाशित
