कञ्चनपुर । कञ्चनपुरमा कोरोना संक्रमित रोपाइँ गरिरहेका छन् । शुक्रबार कोरोना पुष्टि भएका जिल्लाको कृष्णपुर नगरपालिका-३ का पाँचजना कोरोना संक्रमित रोपाइँ गरिरहेको भेटिएका हुन् ।
उनीहरुमध्ये दुईजना जेठ १८ गते भारतको सुरतबाट र तीनजना १९ गते बैंग्लोरबाट आएका थिए । भारतबाट आएका उनीहरुलाई कृष्णपुर नगरपालिका–३ स्थित नन्द माध्यमिक विद्यालयको क्वारेन्टाइनमा २२ दिन राखिएको थियो । त्यहाँबाट रिपोर्ट नआउँदै घर पठाइएको थियो ।
वडानम्बर ३ का वडा अध्यक्ष सुन्दर चौधरीले घर पठाएको चार दिनपछि पाँचजनामा संक्रमण पुष्टि भएको बताए । उनले संत्रमितलाई फेरि घरबाट ल्याएर क्वारेन्टाइनमा राख्ने तयारी भएको बताए ।
कृष्णपुर नगरपालिकाका आरडीटी पोजेटिभ देखिएका दुई सय ५३ जनामध्ये एक सय ३६ जनालाई घर पठाइएको थियो। नेपाली कांग्रेसका महासमिति सदस्य हेमराज ओझाले नगरपालिकाले आरडीटी पोजेटिभ आएकाहरुलाई पनि घर पठाउन वडालाई निर्देशन दिइएपछि अहिले गाउँमा भयावह वातावरण सृजना भएको बताए ।- न्युज ट्वान्टीफो नेपालबाट
वि.सं.२०७७ असार १३ शनिवार ०९:४७ मा प्रकाशित
