काठमाडौं । ‘कोभिड–१९’ को जोखिमका कारण रोखिएको मादक पदार्थ सेवन परीक्षण (मापसे) शुरु भएको छ । बुधबारबाट सवारी चालकको मापसे परिक्षण गरिने महानगरीय ट्रापिक प्रहरी महाशाखाका प्रहरी वरिष्ठ उपरीक्षक (एसएसपी) भीम प्रसाद ढकालले जानकारी दिए ।
चैत ७ बाट काठमाडौँ उपत्यकामा ट्राफिक प्रहरीले मापसे परीक्षण रोकेको थियो । चार महिनापछि मापसे जाँच सुचारु भएको छ ।‘मापसे गरेको फेला परे अब मेडिकल गरेर कारवाही गर्छौँ’ एसएसपी ढकालले भने, ‘सवारी सञ्चानलमा लगाएको प्रतिबन्ध खुकुलो भएसँगै मापसे जाँच पनि शुरु गर्ने निर्णय गरेका हौँ ।’
वि.सं.२०७७ साउन ७ बुधवार १०:४४ मा प्रकाशित
