काठमाडौं । प्रभु बैंकको उच्च व्यवस्थापनमा हेरफेर भएको छ । यसअघि डेपुटी जनरल म्यानेजर (डीजीएम) रहेका मनिराम पोखरेल डेपुटी सीइओ हुनुभएको छ ।
त्यसैगरी, प्रमुख सञ्चालन अधिकृत (सीओओ) दिनेश थकाली प्रभु बैंकले प्रवर्द्धन गरेको प्रभु क्यापिटलको प्रबन्ध निर्देशक हुनुभएको छ। प्रभु क्यापिटलका यसअघिका सीइओ भोलाप्रसाद पाठकलाई बागमती प्रदेश कार्यालय अर्थात् बागमती बिजनेश सेन्टरको प्रमुखको जिम्मेवारी दिइएको छ ।
यसअघि प्रमुख कर्जा अधिकृत (सीसीओ) रहेका निरज लम्साललाई बागमती बिजनेश सेन्टर बिको प्रमुख बनाइएको बैंकले जनाएको छ ।
यसअघि मानव संशाधन र कर्पोरेट हेड रहेकी रश्मी पन्तलाई सीओओको जिम्मेवारी पनि थपिएको छ । पन्त बैंकको सूचना अधिकारी हुनुहुन्छ ।
त्यसैगरी, यसअघि बिजनेश बैंकिङ हेड रहेका रिवस श्रेष्ठलाई सीसीओको जिममेवारी दिइएको छ भने यसअघि रिटेल बैंकिङ चिफ रहेका रेणुप्रसाद पाण्डेलाई चिफ बिजनेस अफिसर (सीबीओ) को जिम्मेवारी दिइएको छ । साउन १ गतेदेखि लागू हुनेगरी जिम्मेवारी हेरफेर गरिएको बैंकले जनाएको छ ।
वि.सं.२०७७ साउन ७ बुधवार १२:४५ मा प्रकाशित