काठमाडौं । शिक्षक सेवा आयोगले कार्यसम्पादन मूल्याङ्कन फारम भर्ने सम्वन्धी सूचना निकालेको छ । आयोगको शैक्षिक वर्ष २०७६ को कार्यसम्पादन मूल्याङ्कन फारम भर्न छुट भएका शिक्षकहरुले कार्यसम्पादन मूल्याङ्कन फारम भर्ने सम्वन्धी सूचना निकालेको हो ।
आयोगले गत वैशाख ३० गते नै फारम भर्न भनेता पनि कोभिड १९ का कारण विषम परिस्थिती उत्पन्न भई देशभर लकडाउनका कारण सबै विद्यालयहरु पूर्ण रुपमा बन्द भएको र शिक्षकहरुको कार्य सम्पादन मूल्याङ्कन फारम भर्न, दर्ता गराउन र मूल्याङ्कन गर्न सकिएको थिएन ।
शिक्षक सेवा आयोग नियमावली,२०५७ (संशोधनसहित) को नियम ३२ घ को उपनियम ७ मा सामुदायिक विद्यालयमा कार्यरत स्थायी शिक्षकले नयाँ शैक्षिक सत्र शुरु भएको ३० दिभित्र कार्यसम्पादन मूल्याङ्कन फारम भरी सम्वन्धित विद्यालयमा दर्ता गर्नुपर्ने व्यवस्था रहेको छ ।
हाल सरकारले साउन ७ गतेदेखि देशभर लकडाउन खुल्ला गरि विस्तारै शिक्षकहरु विद्यालयमा उपस्थित हुने र कार्यालयहरु नियमित संचालन हुने भएकाले कार्य सम्पादन मूल्याङ्कन फारम निर्धारित समयमा दर्ता गराउन छुट भएका शिक्षकहरुले आआफ्नो कार्य सम्पादन मूल्याङ्न फारम सम्वन्धित विद्यालयमा दर्ता गराउन आयोगले अनुरोध गरेको ।
आयोगको सूचना अनुसार साउन १५ देखि ३० दिनभित्र (भदौ १२गतेसम्म)दर्ता गराउन भनेको छ । साथै शिक्षकहरुको शैक्षिक वर्ष २०७६ को कार्य सम्पादन मूल्याङ्न सम्वन्धमा फारम शिक्षक सेवा आयोगको नियमावली २०५७ को दशौ संशोधन बमोजिम हुने र मूल्याङ्कन सम्वन्धी आयोगले गत कात्तिक १ गते र गत पुस १६ को निर्णय बमोजिम हुने सूचनामा उल्लेख छ ।
हेर्नूहोस् सूचना :
विस्तृतमा सूचना हेर्नका लागि यहाँ क्लिक गर्नुहोस् ।
वि.सं.२०७७ साउन १२ सोमवार ११:४८ मा प्रकाशित
