काठमाडौं । लोक सेवा आयोगले विभिन्न कार्यालयहरुको सूचना प्रकाशन गरेको छ । आयोगले उम्मेदवार सिफारिस सम्वन्धी सूचना निकालेको हो ।
आयोगको बुटवल, खोटाङ् र काठमाडौं कार्यालयको स्थानीय तह तर्फको विभिन्न पद तथा समूहमा वैकल्पिक उम्मेदवार सिफारिस गरेको सूचनामा उल्लेख छ ।
आयोगको बुटवल कार्यालयको वि.नं.१३८१९/०७५–७६ (खुला) स्थानीय तह अन्तर्गत प्रशासन सेवा, सा.प्र. समूह, तह ४, सहायक पदमा, त्यस्तै खोटाङ कार्यालयको स्थानीय तहको वि.नं.११००२/०७५–७६,(खुला) शिक्षा सेवा, शिक्षा प्रशासन समूह, छैठौं तह, अधिकृत पदमा वैकल्पिक उम्मेदवार सिफारिस गरेको हो ।
यस्तै, काठमाडौं कार्यालयको स्थानीय तह तर्फकै वि.नं.१२००३/०७५–७६ खुला,शिक्षा सेवा, शिक्षा प्रशासन समूह, छैठौ तह, अधिकृत पद र वि.नं. ११९२३। २०७५–७६ (आ.ज.), स्थानीय तह अन्तर्गत प्रशासन सेवा, सामान्य प्रशासन समूह, चौथो तह, सहायक पदको वैकल्पिक उम्मेदवार सिफारिस गरेको सूचनामा उल्लेख छ ।
सूचना हेर्नका लागि यहाँ क्लिक गर्नुहोस् ।
वि.सं.२०७७ साउन १२ सोमवार १३:४० मा प्रकाशित
