काठमाडौं । नेपाल चार्टड एकाउन्टेन्ट संघ (एक्यान) र कामना सेवाविकास बैंकबीच एक्यानमा आवद्ध सदस्यलाई बिना धितो प्रोफेश्नल कर्जा प्रवाह सम्बन्धी सम्झौता भएको छ ।
द्विपक्षीय समझदारी पत्रअनुसार एक्यानका सदस्यहहरुलाई सरल तरिकाबाट बैंकको १२४ शाखाबाट एकै दिनमा बिना धितोमा १५ लाख सम्मको प्रोफेश्नल कर्जा प्रदान गर्नेछ ।
यो सम्झौता पछि एक्यानका सदस्यले व्यक्तिगत आवश्यकता पूरा गर्न बिना धितोमा सहुलियतपूर्ण बैंकिङ सुविधा (कर्जा) लिन पाउने संघका उपाध्यक्ष रमेश धितालले बताए ।
यस्तै एक्यानमा आवद्ध सदस्यका श्रीमतिद्वारा सञ्चालित व्यापार व्यवासयलाई समेत सहुलियतपूर्ण कर्जा प्रवाहको लागि समझदारी भएको धितालले बताए ।
यस समझदारी पत्रमा कामना सेवाविकास बैकको तर्फबाट प्रमुख कार्यकारी अधिकृत प्रविण बस्नेत र नेपाल चार्टड एकाउन्टेन्ट संघतर्फबाट अध्यक्ष आनन्द राजशर्मा वाग्लेले हस्ताक्षर गरेको जनाइएको छ ।
वि.सं.२०७७ साउन २९ बिहीवार १७:२७ मा प्रकाशित