विराटनगर । विभिन्न स्थानीय तहले आ-आफ्नै हिसाबमा गरेको ’लकडाउन’ ले कोरोना भाइरसको संक्रमण नियन्त्रणमा प्रभावकारी भूमिका खेल्न नसक्दा मोरङ जिल्लाभर निषेधाज्ञाको निर्णय लिनु परेको छ ।
जिल्ला सुरक्षा समितिको बैठकले विराटनगर महानगरपालिकासहित मोरङका १७ वटै स्थानीय तहमा निषेधाज्ञा लगाउने निर्णय गरेको ।यसअघि विभिन्न विभिन्न स्थानीय तहले आ-आफ्नै हिसाबमा ’लकडाउन’ गरेका थिए ।
तर, समुदायस्तरमा फैलिएको संक्रमणको ’चेन ब्रेक’ हुन नसक्दा ’मोडालिटी’ परिवर्तन गरेर केही खुकुलो प्रावधानसहित जिल्लाभर निषेधाज्ञा लगाइएको प्रशासनले जनाएको छ ।
’स्थानीय तहले गरेको ’लकडाउन’ त्यति प्रभावकारी भएन । ’लकडाउन’ मा पनि अरु सामान्य अवस्थामा जस्तै मानिसको भीडभाड र आवतजावत जारी रहँदा संक्रमण घट्न सकेन,’ एक सुरक्षा अधिकारीले भने, ’त्यही भएर सुरक्षा समितिबाटै निर्णय गरेर निषेधाज्ञा लगाइएको हो । यसले संक्रमणको ’चेन ब्रेक’ हुने अपेक्षा राखिएको छ ।’ अन्नपूर्णपोष्ट अनलाइनबाट
वि.सं.२०७७ भदौ ११ बिहीवार ११:४५ मा प्रकाशित