नेपालगन्ज । सरकारले वास्तविक किसानको पहिचान गर्नका लागि किसान परिचयपत्र वितरण सुरु गरेपछि जिल्लामा अहिलेसम्म दुई हजार ७६ जनाले परिचयपत्र बनाएका छन् ।
जिल्ला कृषि विकास कार्यालयका अनुसार कुल १० हजार ७०० किसानलाई परिचयपत्र वितरण गर्ने लक्ष्यका साथ फारम सङ्कलन गर्ने कार्य भइरहेको छ । चालु आवका लागि अहिलेसम्म थप एक हजार ३०७ किसानले परिचयपत्र बनाउनका लागि निवेदन दिएका छन् ।
परिचयपत्र बनाउनका लागि नागरिकता, गाविसको सिफारिस, जग्गाको लालपुर्जाको प्रतिलिपिका साथै पासपोर्ट साइजको फोटोसहितको विवरण भरेर कृषि विकास कार्यालयमा बुझाउनुपर्ने प्रावधान छ ।
परिचयपत्र वितरणपछि सरकारले उपलब्ध गराउने अनुदानलगायतका सेवा लक्षित किसानसम्म पु¥याउन सहज हुने भएकाले परिचयपत्र वितरण गर्न सुरु गरिएको कृषि प्रसार अधिकृत धनबहादुर पुनले बताए ।
३ जेठ २०७३, १०।००
वि.सं.२०७३ जेठ ३ सोमवार १४:०७ मा प्रकाशित
