काठमाडौं । सानिमा बैंकले १३ दशमलव ६० प्रतिशत लाभांश वितरण गर्ने घोषणा गरेको छ ।
कम्पनीले १० प्रतिशत बोनस शेयर र ३ दशमलव ६० प्रतिशत नगद लाभांश कर प्रयोजनको लागि गरी कुल १३ दशमलव ६० प्रतिशत लाभांश वितरण गर्ने प्रस्ताव गरेको हो ।
उक्त प्रस्ताव नेपाल राष्ट्रबैंकबाट स्वीकृती पाएपछि र कम्पनीको आगामी साधारण सभाबाट पारित गरेपछि शेयरधनीले पाउनेछन् । कम्पनीको असोज २७ गते बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो ।
हाल कम्पनीको चुक्तापूँजी रू. ८ अर्ब ८० करोड रहेको छ । १० प्रतिशत बोनस शेयर वितरणपछि पूँजी रू. ९ अर्ब ६८ करोड पुग्नेछ । अघिल्लो आवमा कम्पनीले शेयरधनीलाई १० प्रतिशत बोनस शेयर र ११ प्रतिशत नगद लाभांश वितरण गरेको थियो ।
वि.सं.२०७७ असोज २८ बुधवार १०:४६ मा प्रकाशित
